Fahrenheit 451

"Levantóse el abrego, un viento escaldado,
A vueltas del un fuego ravioso e irado,
Movió de occident por mueda del peccado,
Fizo grandes nemigas ante que fues quedado.

Por las Estremaduras fizo dannos mortales,
Ençendiendo las villas, quemando los ravales,
Socarraba los burgos e las villas cabdales,
Por yermos e poblados façiendo grandes males.

Plegó a Sant Fagunt, quemó una partida,
Fue çerca de la media de Carrion ardida;
Por poco fuera toda Frómesta consumida,
Castro entre las otras non remaso senzida.

Forniellos del camino fincó mal socarrada,
Oterdaios que iaze en una renconada,
Acorrioli a Burgos que iazie derramada,
Ca non era estonz en un logar poblada."



Milagros de Nuestra Señora
Gonzalo de Berceo